SEV Kİ, SEVƏNLƏRDİR QULU TANRININ

Oxundu 304

Darasın telini sözlərim sənin,
Tutaşsın köksündə közlərim sənin,
Belə ki, tutubdur gözlərim səni,
Mən sənin qəlbini fəth edəcəyəm.

GƏL

Oxundu 255

Neçə sərt uçurum, neçə dik qaya,
Aşsam da, ölümdən qorxmadı gözüm,
Həsrətin Çin səddi çəkdi araya,
Sağında mən qaldım, solunda özün.

Oxundu 277

Bu sevgi zamanın üstündən aşıb
O vaxtdan bu vaxta qayıdacaqdır,
Arzusu ürəkdə, alovu gözdə,
Nəğməsi dodaqda qayıdacaqdır.

Oxundu 236

Hər kəsdən paksa da, hər kəsdən zərif,
Yoxdur dodağında dodaq izləri,
Qan-yaş axıtmayıb hələ gözləri,
Mələklər nə bilir məhəbbət nədir?!

Oxundu 258

Səni ovudası təsəllim hanı,
Qırmışam qəlbini... yox mənə imdad,
Gülüm, günahkaram, amma cəzamı
Çəkməsəm günəgün, saatasaat,
Məni bağışlama.

Oxundu 285

Şirinindən, acısından xəbərsiz,
Qardaşından, bacısından xəbərsiz,
Taleyini haçasından xəbərsiz,
Bir qız vardı mənim könül dünyamda.