Bu sevgi zamanın üstündən aşıb
O vaxtdan bu vaxta qayıdacaqdır,
Arzusu ürəkdə, alovu gözdə,
Nəğməsi dodaqda qayıdacaqdır.
İşıq düşəcəkdir üzü nəm ömrə,
Bağrına çən düşən, sis enən ömrə,
Yarın nəfəsiylə isinən ömrə,
Nə soyuq. nə şaxta qayıdacaqdır.
Mirdamət Əzizəm, düşün dərindən,
Gör, nə gəlib-keçir fikirlərimdən,
Zərfdə göndərirəm bu məktubu mən,
Cavabı duvaqda qayıdacaqdır. |
