Bizim xeyrimizə işləmir zaman,

Zamanın üstündən adlayasıyam,

Həsrət-çaxmaq daşı- qığılcımından

Qəfil alovlanmış ot tayasıyam.

Axıb gözlərimdən dağların seli,

Kəsib nəfəsimi qiblənin yeli,

Sazım sızlatdıqca obanı, eli,

Özüm öz içimdə boğulmuşam mən,

Eşqinlə yenidən doğulmuşam mən.

Kim deyir ki papaqdan

Coraba kimiyəm mən,

Siqaret qutusundan

Şəraba kimiyəm mən.

Sonasan, hüsnündə su gözəlliyi,

Beləmi olurmuş qu gözəlliyi,

Nə əcəb buraxdı bu gözəlliyi,

Gözüm tökülmədi evə gəlincə.

Mən səni görməsəm, havalanaram

Ömür yoldaşıma

Şəkərsən bu sayaq, noğulsan belə,

Bal çəkən arıyam davranışından,

Ata ocağında doğulsan belə

Sən bizim evlisən yaranışından.

İndi ki bu yolda üz-üzə gəldik,

Halını soruşum, sonra gedərsən,

Qoy duyum dadını bu təsadüfün,

Bəxtimlə barışım, sonra gedərsən.

Dönübdür el bayramına,

Toyun mübarək, ay gəlin,

Gəlinlərin gözəlisən,

Bəyin mübarək, ay gəlin.

Adilikdən dahiliyə qaldırar,

Gözəlliyə can atdıran məhəbbət,

Seyrangaha yeni yolla yetirər,

Köhnə yolu yanıltdıran məhəbbət.