Dönübdür el bayramına, Toyun mübarək, ay gəlin, Gəlinlərin gözəlisən, Bəyin mübarək, ay gəlin.
Qoymusan gövhər tacını, Qəşəng göstərir saçını, Ötübdür sərv ağacını, Boyun mübarək, ay gəlin.
Arzuya, kama yetdiyin, Güllər içində itdiyin, Qol qaldırıb rəqs etdiyin Oyun mübarək, ay gəlin.
Sabahını bəzə nəslin, Kaş gəlməsin gözə nəslin, Qovuşduğun təzə nəslin, Soyun mübarək, ay gəlin.
Öz odunda-ocağında Gələn ilin bu çağında Görən desin, qucağında Payın mübarək, ay gəlin.
|
