Həzin nəğməsini hər yana yayır,

Bakının küləyi mən ağıldadır,

Gah vurub dağıdır, gah sığallayır,

Bakının küləyi mən ağıldadır.

Qızdıran çağına eşq atəşinin

Mən çata bilmirəm, çata bilmirəm,

Doğan məqamına bəxt günəşinin

Mən çata bilmirəm, çata bilmirəm.

Bizi dik saxlayan kişi sözüymüş,

Əyir müqavilə, şərt adamları,

Həyat ağacının budaqlarında

Saraldır heyva tək dərd adamları.

Yetsin Tanrı məqamına,

Səsim yollarda qalmasın,

Həkk olunsun tarixlərə,

İzim yollarda qalmasın.

Yağış havasına tamarzıyam mən,

Əsən meh saçımı sığallayıbdır,

Bəlkə yer üzündə baş verənlərdən

Göyün də üzündə su qalmayıbdır.

Nəvəm Sevilə

Hara dırmandın ki, belə yıxıldın,

Evdə dolaymı var, yoxsa uçurum,

Sən elə büdrədin, elə yıxıldın,

Mən daha çətin ki, ayağa durum.

Bir istiqlal baharının

Təravəti ürəyində,

Qədim Odlar diyarının

Hər gülündə, çiçəyində,

Kotanında, xışındasan,

Sən vəzifə başındasan.

Qulağım tutulur xışıltısından,

Tökülən yarpaqlar ömrümdən gedir,

Çökür taleyimin sarayı  hər an,

Sarsılan dayaqlar ömrümdən gedir.