Bir istiqlal baharının Təravəti ürəyində, Qədim Odlar diyarının Hər gülündə, çiçəyində, Kotanında, xışındasan, Sən vəzifə başındasan.
Bir sarsılmaz dövlət qurdun, Şöhrətini ərzə yayan, Qarabağda, ana yurdun Gecə-gündüz qan ağlayan Torpağında, daşındasan, Sən vəzifə başındasan.
Zülmətləri yarıb keçən Şimşəklərin çaxışında, Zirvələri məskən seçən Qartalların baxışında, Qayaların qaşındasan, Sən vəzifə başındasan.
Baxma, qəlbin yaralıdır, Möhkəm dayan cığırında, Saçın ağlı-qaralıdır, Dərdsizin çal-çağırında, Dərdlinin göz yaşındasan, Sən vəzifə başındasan.
Səngiməyir xoş avazın, Alovlara bürünürsən, Bir tarixdir alın yazın, Bəzən cavan görünürsən, Bəzən Qorqud yaşındasan, Sən vəzifə başındasan.
Gətir yurda səadəti, Daha yadlar öyünməsin, Ucalt haqqı-ədaləti, Bəyənməyən bəyənməsin, Milyonların xoşundasan, Sən vəzifə başındasan.
Tez yuxudan oyanarasan, Şeh düşəndə yarpaq üstə, Hara baxsam, orda varsan, Ərbab kimi torpaq üstə, Əsgər kimi qoşundasan, Sən vəzifə başındasan.
Yol salarsan xeyrə-şərə, Payın var el qübarında, İzin düşər talelərə, Vüsalın ilk baharında, Hicranın son qışındasan, Sən vəzifə başındasan.
Döyüşlərə dönür yenə, Şəfa tapan yaralı da, Alqış deyir ellər sənə, Tənəzzüldən aralıda, Tərəqqinin tuşundasan, Sən vəzifə başındasan, Sən vəzifə başındasan.
|
