Əgər olmasa da xoş gələcəyə

Aparan yol asan, ay ömrüm-günüm,

Səni budağından qoparan oğlan

Qoyarmı solasan, ay ömrüm-günüm?!

Hər kəsdən paksa da, hər kəsdən zərif,

Yoxdur dodağında dodaq izləri,

Qan-yaş axıtmayıb hələ gözləri,

Mələklər nə bilir məhəbbət nədir?!

Darasın telini sözlərim sənin,

Tutaşsın köksündə közlərim sənin,

Belə ki, tutubdur gözlərim səni,

Mən sənin qəlbini fəth edəcəyəm.

Dünya başdan-başa al-əlvan geyir,

Dünya gözəlliyə bürünür, Allah,

Mənim dayandığım yaş zirvəsindən,

Bu qızlar nə gözəl görünür, Allah.

Hələ yadımdadı son görüşümüz,

Elə bil ömürdən-gündən ayrıldım,

Ağac öz kökündən qopduğu kimi

Anamdan ayrıldım, səndən ayrıldım.

Arabir xəlvəti boylan, ey gözəl,

Qəlbimin başqa bir təmənnası yox,

Qara gözlərinin eldə-obada,

Vallah, mənim kimi mübtəlası yox.

Sevən ürəklərə nə payız, nə yaz,

Bülbül olmayanın gülü də solmaz,

Məni inamımdan döndərmək olmaz,

Eşqimdir bağlayan inama məni.

Sənə rast gələnə sən sevinc payla,

Sürünmə yol boyu duman-çən kimi,

Səni göndərirəm xeyir-duayla,

Ən uzaq səfərə göndərən kimi.