Sənə rast gələnə sən sevinc payla, Sürünmə yol boyu duman-çən kimi, Səni göndərirəm xeyir-duayla, Ən uzaq səfərə göndərən kimi.
Mən vüsal atımı oynadanmadım, Ümüdlər doğmaca qardaşım oldu, Sən getdin... arxanca su atanmadım, Arxanca süzülən göz yaşım oldu.
Səninlə getmədi toy-düyünlərim, Xoş günlər, xoş aylar qayıdıb gəlir, Kinoya bənzəyir sənli günlərim, Kino biletinə hayıfım gəlir.
Günün keçməyəcək bu qədər asan, Titrəyib əsəcək qəlbinin simi, Nə vaxtsa üstümə qayıdacaqsan, Ünvanı səhv düşmüş bir məktub kimi.
|
