Bağlamayın qapıları, Anam gəlmədi, gəlmədi, Yol üstünə çıxın barı, Anam gəlmədi, gəlmədi.
Yaman tutdu bizi qarğış, Söndü çıraq, yatdı naxış, Çaxan şimşək, yağan yağış, Anam gəlmədi, gəlmədi.
Dur ay oğlan, tərpən ay qız, Bacısınız, qardaşsınız, Dəmirsiniz ya daşsınız, Anam gəlmədi, gəlmədi.
Gecə düşür... dözərmi tək, Çırpınır köksümdə ürək, Ya o gəlsin, ya biz gedək, Anam gəlmədi, gəlmədi.
|
