Solmazdıq baharın həsrətində biz, Payız olmasaydı, qış olmasaydı, Sevinc barəsində düşünərdikmi, Ağlayan gözlərdə yaş olmasaydı?!
Biri-birimizi sevirdikmi heç, Sınaya bilmirik məhəbbəti biz, Onda ki, ayrıldıq bir payız günü Sandıq, itirmişik səadəti biz.
Yaxşı ki, dünyada ayrılıq varmış, Odur qəm yolunda qırmızı işıq, Ayrılıq qəhrini çəkdiyimizdən Bəlkə də bu qədər yaxınlaşmışıq.
Bilməkçin qədrini bəxtəvərliyin, Eşqində bircə yol gör ayrılığı, Amma bir kimsəyə arzulamıram Mən sonu olmayan bir ayrılığı!
|
