Hər ilahi möcüzədən,

Sirdən uşaq səsi gəlir,

Qığıltını duyursanmı,

Pirdən uşaq səsi gəlir.

Bəs deyib, yarımdan ayrılaram da,

Anamla görüşə biləcəyəmsə,

Qılınc tək qınımdan sıyrılaram da,

Anamla görüşə biləcəyəmsə.

İndi ki bu yolda üz-üzə gəldik,

Halını soruşum, sonra gedərsən,

Qoy duyum dadını bu təsadüfün,

Bəxtimlə barışım, sonra gedərsən.

Güllərə qərq olur bağçası, bağı,

Zirvəsi ağarır, sübhi-sabahdır,

Gör nə müqəddəsdir vətən torpağı,

Hər şəhid məzarı bir səcdəgahdır.

Dönübdür el bayramına,

Toyun mübarək, ay gəlin,

Gəlinlərin gözəlisən,

Bəyin mübarək, ay gəlin.

                                   Sınıqçı Yusifin oğlu Rəcəbə.

Diqqət kəsiləndə gördüyü işə,

Oğul atasını keçə bilirmiş,

Nə qədər mürəkkəb peşə də olsa,

Yenə tükü-tükdən seçə bilirmiş.

Kim deyir ki, bu dünyada

Ariflərə zaval yoxdur,

Nəyə desən, vaxt tapılır,

Yaşamağa macal yoxdur.

Düşəndə dumana, çiskinə, çənə,

Tanrıdan dilərik biz aydınlığı,

Köçürüb tarixin qan yaddaşına,

Yaşadar yolçunu iz aydınlığı.