Hər ilahi möcüzədən, Sirdən uşaq səsi gəlir, Qığıltını duyursanmı, Pirdən uşaq səsi gəlir.
Səthində üsyan görünür, Dibində tufan görünür, Dalğasında qan görünür, Kürdən uşaq səsi gəlir.
Ömrü şərəf sananlardan, Məşəl kimi yananlardan, Dünya görmüş insanlardan Hərdən uşaq səsi gəlir.
Qayalardan sürüşəndə, Qəzəbindən yer eşəndə, Pəncəsi gücdən düşəndə Şirdən uşaq səsi gəlir.
Əziz, küləklər sevinir, Güllər-çiçəklər sevinir, Göydə mələklər sevinir, Yerdən uşaq səsi gəlir.
|
