Bilmirəm xəyalmı, həqiqətmi bu, Oyun çıxarırsan sən bilə-bilə, Qəlbinə dolmamış sevgi duyğusu, Eviniz dolubdur elçilər ilə.
Həsrət gözlərinə yaş gətirməmiş Qayğısız qızların birisən, gülüm, Qürub otağına günəş girməmiş, Yataq otağına girirsən, gülüm.
Yaşının azlığı bilinməsə də, Yetkin qızlar kimi çəkilir adın, Əksin güzgülərdən silinməsə də, Bir sevən gözündə əks olunmadın.
Volqalar düzülüb bax düzüm-düzüm, Sağlıqlar sənin də şərəfinədir, Daha qonaqlığa getmirsən, quzum, Bu günkü səfərin ər evinədir!
|
