Ayrılıq ölümlə sərhəd deyildir, Sənin məhəbbətin son hədd deyildir, Sevginin gözləri toxdur dünyada, Dünya sevənlərə möhtac deyildir, Yaxşı ki, sevənlər çoxdur dünyada.
Ümiddir elə bu damcılar bəlkə, Özün öz baxtını qamçıla bəlkə... Vüsal bir miyanə oxdur dünyada, Sənin taleyindən yan keçibdirsə, Dostunun ömrünə sancıla bəlkə, Yaxşı ki, sevənlər çoxdur dünyada.
Hər eşqin səması ayaz deyil ki, Həsrətin quyusu dayaz deyil ki, Kim deyir bəxtikəm yoxdur dünyada, Bir gülün solması payız deyil ki, Yaxşı ki, sevənlər çoxdur dünyada. |