Yurdu viranədir o duyğuların, Bir ümid bitirməz min ahım mənim, Gözümün yaşıyla çətin yuyula, Çətin bağışlana günahım mənim.
Yolun harayadır, indi haraya, Hay ver ürəyimdən qopan haraya, Mən sənə güvənib gəldim dünyaya, Yadından çıxıbmı, pənahım mənim.
Gözün baxışdıqca ağlar gözümlə, Dərdim sel-sel olub axar üzümlə, Könlün qalasını aldım sözümlə, Bildinmi, eşqimdir silahım mənim.
Əzizəm, səninlə bəxtiyaram mən, Sən olan yerlərdə yalnız varam mən, Canımı gecəyə tapşıraram mən, Sənsiz açılarsa sabahım mənim.
|
