Nələr etdiyini düşündünmü sən, Çəkdiyim həsrətin budurmu barı, Qəlbimi odunda isitməmişdən, Ələdin başıma şaxtanı-qarı.
Mənim ütrəyimdə bitən bənövşə, Sənin əllərində saraldı, soldu, Qara gözlərindən bəxtimə düşən, Qara ömür oldu, qara gün oldu.
Ümidlər bir daha göyərən deyil, Gecikib gözünün bu yağışları, Çəkil get! Həyatda sarsılan könül Ümidlər qoynunda uyusun barı.
Bəsdir, titrəməsin daha dizlərin, Belə olmalıdır bu eşqin sonu, Dedim piyalədir qara gözlərin, Sən niyə zəhərlə doldurdun onu.
Qanadı qırılmış yalan kimisən, Sözlərim qətidir, bilirsən, mənim, Bir zaman gözümdə doğulmuşdun sən, İndisə qəlbimdə ölürsən mənim.
Yanmışam, yenə də yanıram oda, Demə, dar günümdə qaçmağım olub, Bircə səhv etmişəm həyatda - o da Sənə ürəyimi açmağım olub. |
