Daha ürəyimi isitmir odun, Bağışla, bağışla, bağışla məni, Gələndə qayğıyla qarşılamışdın, Gedirəm, yola sal qarğışla məni.
Hissin xumarından ayrildıqca mən, Gördüm mənasızdır, günlərim boşdur, Sənin üzdəniraq məhəbbətindən, Sevdiyim gözəlin nifrəti xoşdur.
Yersizdir gözündən süzülən yaşlar, Qəlbim öz hökmünü dəyişən deyil, Gülüm, yad ölkədə dözməyə nə var, Yad sevgi yad eldən dəhşətlidir bil!
Bu dərdli günlərim, qəmli günlərim, Şimşəyə çevrilib gözümdə çaxır, Kaş yuxu olaydı sənli günlərim, Yuxular tərsinə yozulur, axı...
|
