Gül açar baharda arzusu, kamı,

Könlüm pərvaz edər quş tək uçanda,

Dalaram röyaya bir qış axşamı,

Açaram gözümü güllər açanda.

Vaxt olur, beynimdə ildırım çaxır,

Göz yaşım sel olur, qəlbimə axır,

Üzümə baxanlar nə bilsin axı

İçimdə bir şair boğulur mənim.

Yola cəsarətlə qədəm qoyursan,

Sağında-solunda qorxu görmürsən,

Sinənin qeydinə qaldığın zaman

Kürəyə yönələn oxu görmürsən.

Həzin nəğməsini hər yana yayır,

Bakının küləyi mən ağıldadır,

Gah vurub dağıdır, gah sığallayır,

Bakının küləyi mən ağıldadır.

Yetsin Tanrı məqamına,

Səsim yollarda qalmasın,

Həkk olunsun tarixlərə,

İzim yollarda qalmasın.

Nəvəm Sevilə

Hara dırmandın ki, belə yıxıldın,

Evdə dolaymı var, yoxsa uçurum,

Sən elə büdrədin, elə yıxıldın,

Mən daha çətin ki, ayağa durum.

Hər ilahi möcüzədən,

Sirdən uşaq səsi gəlir,

Qığıltını duyursanmı,

Pirdən uşaq səsi gəlir.

Düşəndə dumana, çiskinə, çənə,

Tanrıdan dilərik biz aydınlığı,

Köçürüb tarixin qan yaddaşına,

Yaşadar yolçunu iz aydınlığı.