Əməli başında çatlasın gərək, Cızığından çıxır, yolunu azır, Hava tutulandan açılanadək Kölgəm ayağımın altını qazır.
Nələr var, nələr var bu hiyləgərdə, Açıb ağartmır da dövran işini, Bilir ki, görünür gün düşən yerdə, O saat düzəldir davranışını.
Yox, onun gücündən az deyil gücüm, Həyatda hər dərdə bir əlac olur, Minlərlə kölgənin ifşası üçün Bir qəfil şimşəyə ehtiyac olur.
|
