Layla dedim, qaçasan, Qanadlanıb uçasan, Gözlərini hər dəfə Gözəlliyə açasan.
Layla dedim, sar bizi, Üzməsin qübar bizi, Dünyamıza gəlmisən, Dünyana apar bizi.
Layla balam, gül balam, Ağla balam, gül balam, Ruzi-bərəkət gətir, Ayağı yüngül balam.
Laylam, adınla tanın, Doğman, yadınla tanın, Bacarığını göstər, İstedadınla tanın.
Laylam, mənalı yaşa, Xoşbəxt dünyalı yaşa, Nənə, baba bəzəkdir, Ata-analı yaşa.
|
