Bənzəyir körpə Turaca Sevil, Uçur ki, qonsun Ağaca Sevil.
Zülmət sökülür, Şəfəq tökülür, Seyr edib gülür Doyunca Sevil.
Məmləkət, ölkə Görməyib bəlkə: Ən qısa kölgə Ən uca Sevil.
Layla, bayatı Ağzının dadı, Gülsün həyatı Boyunca Sevil.
Söz olub qəlpə Dəyəndə qəlbə Dönür hər dəfə Əlaca Sevil.
Nənənin adı Ömür baratı, Sirri-xudadı Balaca Sevil.
Şirindir dili, Güldürə bilir Böyük Sevili, Balaca Sevil.
|
