Yaradanın sevgisi, Sayğısı, rəğbətidir, Ən müəqəddəs, ən əziz, Ən şirin nemətidir, Bizim balaca Sevil.
Babasının can alan Canlı oyuncağıdır, Alıram qucağıma Dərdlərimi dağıdır Bizim balaca Sevil.
Tanrı payı ömrünü Yaşayır iftixarla, Nənəsinin adını Daşıyır iftixarla, Bizim balaca Sevil.
Harda olsaq, səsləyib Yığır başına bizi, Məhəbbət qalasına Döndərib evimizi, Bizim balaca Sevil.
Vətəninə can deyib, Millətinə yanası, Bu gün bir ev qızıdır, Sabah bir el anası, Bizim balaca Sevil.
|
