Gəlişinlə min arzu, Murad gətirdin mənə, Özün boyda bir noğul, Nabat gətirdin mənə.
Bəxtimizə tuş gəldin, Evimizə xoş gəldin, Demə əliboş gəldin, Həyat gətirdin mənə.
Qoyma xəyala dalım, Sən oyna, mən əl çalım, Pozulmuşdu əhvalım, Ovqat gətirdin mənə.
Məna var hər sözündə, Ayağının izində, Sən günəşi gözündə Sovqat gətirdin mənə.
Boylanıb aram-aram, Qəlbimi eylədin ram, Sevincimdən uçuram, Qanad gətirdin mənə.
|
