Göz ürəyin aynası, ürəkləri gəz, dolan, Hər qəlbin öz döngəsi, öz dalanı var axı, Mənim başqadır peşəm, mən münəccim deyiləm, Amma yaxşı bilirəm, hansı göz hardan baxır.
Dilə gələn hər sözün öz siması, adı var, Söz də insan kimidir, doğulur, ölür, bəli, Mənim başqadır peşəm, söz ustası deyiləm, Amma yaxşı bilirəm, hansı söz hardan gəlir.
Dünyaya göz açandan səslər aləmindəyik, Səs var səmadan enir, səs var divardan qopur, Mənim başqadır peşəm, mən bəstəkar deyiləm, Amma yaxşı bilirəm, hansı səs hardan qopur.
|
