Çıxar sərin sahilinə gündüzün,

Qəlb kövrələr, zövq incələr gecələr,

Açıq qalar könüllərin qapısı,

Şeir gələr, nəğmə gələr gecələr.

Hər maşın kamandan sıyrılan bir ox,

Qurbanların sayı yüz deyil, mindir,

Dərdə bax, həyatda maraqlardan çox,

Yollarda maşınlar toqquşur indi.

Haqsızlar əlindən bezən ürəyim

Hər zülmə qatlaşır ömür yolunda,

Elə taqqıldayır bəzən ürəyim,

Elə bil qatardır dəmir yolunda.

Daha qalmayıbdı dözümü, tabı,

İldırım gurlayır ittiham kimi,

Dözmür haqsızlığa göyün mehrabı,

Uçur başımıza köhnə dam kimi,

Bu qədər alçalmaq, yenilmək olmaz,

Gəlin özümüzü düzəldək bir az.

Xalqa zülm eyləyən haqqa zülm eylər.

                                                Müəllif

Xəzər dənizinin sahillərində

Kefal balıqları qırılmaqdadır.

                          Qəzetlərdən

Haqsızlıqdan bezmisənmi,

Dincəl görüncə bizləri,

Qəm yeriyib üstümüzə

Sıxıbdır küncə bizləri.

Harın hardan bilsin ac qalmaq nədir,

Başı gicəllənir dövlətdən-vardan,

Bütün yeyilənlər tükənməkdədir,

Yalnız yeyənlərdir ürüyüb artan.