Burda iki dünya birləşəcəkdir

Qəbristan çölündə bayquş oxuyur,

Bu bir həqiqətdir illərdən bəri,

Yer altda ölülər daha tez duyur

Yer üstə baş verən faciələri.

Yağı yurddaşları yurddan ayırdı,

Bu dərd agah oldu ruhlarımıza,

Əvvəllər göz yaşı damcılayırdı,

Sonradan qan sızdı məzarımıza.

Yoldaşa möhtacıq, yara möhtacıq,

Sığmır qəbrimizə qəm-kədərimiz,

Kökü Qarabağda qalan ağacıq,

Yıxılır, yox olur gövdələrimiz.

Yatıbdır çoxları papaq altında,

Eh, yada yaxınıq, yaxına yadıq,

Nə var, uyumağa torpaq altında,

Biz tapdaq altında heç uyumadıq...

Dizini intizar qatlayanların

Əsla damağında dad ola bilməz,

Goru bu dünyada çatlayanların

Ruhu o dünyada şad ola bilməz.

Gec-tez tapacaqdır öz yerini haqq,

Yaman incitdilər günahsızları,

Cinayət başında yaxalayacaq,

Tutacaq ruhumuz allahsızları.

İsti məzarımız buz bağlayıb, buz,

Başdaşı boyunca dərd yüksəlibdir,

Quran sədasına möhtac ruhumuz,

Yağı tənəsindən cana gəlibdir.

Səslənsin bu yurdun Qələbə marşı,

Yox, yox, düşünməyin, dirilər təkdir,

Dava başlananda düşmənə qarşı