Deyirlər çoxları göz dikir yenə Torpağına Vətən, daşına Vətən, Qorxuram göz dəyə gözəlliyinə, Gətir duz çevirim başına, Vətən!
Sənin dar günüdə bir oğul təki, Karın da, lalın da yarımalıdır, Hərə öz evinin üzərindəki Bir parça səmanı qorumalıdır!
Əsgər dost! Qəlbini xəyaldan ayır, Torpağın səsini bir dinləsənə, Şəhid qəbirləri nə pıçıldayır, Ana heykəlləri nə deyir sənə?!
Əsgər dost! Bizimdir o dərə, o dağ, Yağılar talayan elin malıdır, Dünən qarış-qarış verilən torpaq Bu gün oğul-oğul alınmalıdır.
|
