Bir Bakı evinin zirzəmisində Bir qaçqın əyalı tutmuşdu qərar, Günlərin bir günü bir süfrə açıb, Qohum-qonşuları çağırmışdılar.
Bir Bakı evinin zirzəmisində Məclis nə arəstə, nə rəvan idi, Yolu qapansa da gün işığının, Könül şəfəqləri çıraqban idi.
Bir Bakı evinin zirzəmisində Udduğum qardaşlıq havasıydımı, Halal adamların girib-çıxdığı Bu ev bir qarışqa yuvasıydımı?!
Sözlər səmimiydi, alınlar açıq, Təravət hopurdu ürəyə, cana. Bir Bakı evinin zirzəmisindən Ucalıq gəlirdi Azərbaycana.
|
