Dünya başdan-başa al-əlvan geyir, Dünya gözəlliyə bürünür, Allah, Mənim dayandığım yaş zirvəsindən, Bu qızlar nə gözəl görünür, Allah.
Qızlar yer üzünün ulduzlarıdır, Sönməz şəfəqləri bu ulduzların, Mənim zər qanadlı kəpənək ruhum Uçur havasına çiçək qızların.
Eşqə bax, payızda çiçəkləyibdir, Qorxuram meyvəsi sazağa düşə, Qorxuram başlaya itirhaitir, Ağlım həyatımdan qabağa düşə.
Kim deyir, haramdır qarşımdaki yol, Qarşımda dağların sıldırımı var, Şimşəyi bu qədər parlayan eşqin Qulaq batırası ildırımı var.
Mən ki, əzablardan keçib gəlmişəm, İnamım əridib dumanı, çəni, İnamım elə bil hava şarıdır, Çəkib səmalara aparır məni.
|
