Bir gözəl sevirdim üzü bahara, Məni göyərdirdi yaz yağışları, İlk dəfə duyurdum necə məsumdur, Necə müqəddəsdir qız baxışları.
Bir gözəl sevirdim üzü bahara, Bir gözəl yolunda şair də oldum, Həsəd aparırdı eşqimə günəş, Nə gündüz sönürdü, nə gecə odum.
Bir gözəl sevirdim üzü bahara, Gözü şəfəq dolu bir göy olardı, O gözəl inciyib küsəndə məndən Bütün doğmalarım ögey olardı.
Bir gözəl sevirdim üzü bahara, Bir gözəl itirdim payız çağında, Sən demə, baharda gələn məhəbbət, Köçəri quş imiş könül bağında.
|
