Bu gidi dünyanın faniliyini Gərək dönə-dönə dərk eləyəsən, Sınayıb, sınaqdan çıxarmadığın Kimsəyə nəbadə ərk eləyəsən.
Dayaq durmalıdır insan-insana, Yoxsa yer kürəsi batar al qana, Məzlumun halına ürəkdən yana, Zalımın zülmünü bərk eləyəsən.
Şeytan nəkarədir, insanı əyə, Qanını qaralda, qəlbinə dəyə, Adam tapmayanda dərd bölüşməyə Durub bu dünyanı tərk eləyəsən. |
