Oğlumun evini görəydim dedin, Bu istək səsləndi son nəfəsində, Sən mənim evimi görmək istədin, Bəxt sənə çox gördü öz evini də.
Sonuncu istəyin gözündə qaldı, Necə rahat olum bu dünyada mən, Bəlkə də cənazən qaldırılanda, Sən elə bildin ki, bizə gedirsən.
Qanadım qırıldı, qolum qırıldı, Niyə kül olmadım mən yana-yana, Məni evinizə apar demişdin, Səni qəbristana apardım, ana.
Sənin şərəfinə süfrə açmışdıq, Düşmən də düşməsin biz düşən günə, Orda nəvələrin gözləri yolda, Burda başdaşılar qaçdı üstünə.
Ölüm ayağında son nəfəsində, Oğlumun evini görəydim dedin, Mən sənin qəbrini gördüm, ay ana, Sən mənim evimi görə bilmədin.
|
