Düşsə də gündə yüz kərə Saca dünyanın əlindən, Çiçəklər çəkməz əlini Qoca dünyanın əlindən.
Zülmü də qarğımaz onlar, Tanrının payıdır deyə, Bitərlər üzü Vətənə, Gedənlər qayıdar deyə.
Lələnin yurdu boş qalıb, Ellər daşınıb gedibdi, Yollar da pişiklər kimi Köçə qoşulub gedibdi.
Boylanıb gedər-gəlməzə, Çiçəklər dərddən əriyər, Qönçələr partlayar bir-bir, Qönçələr şair ürəyi.
Qorxuram dağların döşü Əbədi möhnət qoxuya, Can verə millətin ruhu, Çiçəklər Yasin oxuya... |
