Yarımçıq yarıdan qayıdar yolu, Araz bəhanədi, Kür bəhanədi, Yersiz hökm eyləyər, yerli ram olar, Güc gücə bağlıdır, yer bəhanədir.
Qanqal yetişdirər, nadan gül əkməz, Xəbis min ev yıxar, bir koma tikməz, Utanıb-qızarmaz, xəcalət çəkməz, Arsızın tökdüyü tər bəhanədi.
Kim deyir ki, şeş-beş atan udacaq, Atıb xanaları tutan udacaq, Uduzan uduzur, udan udacaq, Vallah aralıqda zər bəhanədi.
|
