Niyə bəxtimizlə yola getmirik, Niyə taleyimiz kəc olmalıdır, Niyə gic yerinə qoyulmalıyıq, Niyə düşmənimiz bic olmalıdır?!
Çəkib aparmasa yolun qüvvəsi, Yolçunu saxlayar kolun qüvvəsi, Başdan asılıdır qolun qüvvəsi, Ağlın özündə də güc olmalıdır.
Əziz, unutmayaq gərək bir şeyi: Kim nə qazanırsa, onu da yeyir, Quran da öyrədir, qanun da deyir: Bir ola bilməyən, heç olmalıdır!
|
