Mötəbər iclasa qatılmışdım mən, Mobil telefonum səsləndi birdən. Baxdım ki, aramsız zəng edir anam, Bir anın içində qarışdı dünyam. Söylədim: “anamdır, rəis, zəng edən” Tez durub salonu tərk elədim mən. Anam sağollaşdı, hal-əhval tutub, Harda olduğumu, yəqin, unudub. İclas salonuna qayıdanda mən, Rəis acıqlanıb çıxdı özündən: -Heç kəsi saymadan, şəstlə, vüqarla, Çıxırsan iclasdan nə ixtiyarla, Niyə özbaşına durub gedirsən, Niyə generalı təhqir edirsən?! General rəisi susdurub dedi: -Zəng edən mayorun anası idi. Rəis, bir balaca ehtiyatlı ol, Düşün yaxşı-yaxşı, əgər bir oğul Getmirsə ananın çağırışına, Gedərmi vətənin çağırışına?!
|
