Əzəldən astarı xeyirdi şərin, Əgər sanırsansa sözümü nahaq, Sağkən ayaqaltı edilənlərin Ölüb, çiyinlərə qalxmağına bax!
Ömrümüz qeyb olur bu qilu-qalda, Köksümü bir quduz intizar didir- Bizi bu dünyadan aparan yolda Əfsus ki, hərəkət birtərəflidir.
Fələk bəxtimizi qaradan biçir, Ölümüylə əkiz doğulur hamı, Qəfil ölümlərin zamanı keçib, Ömrə bərabərdi ölüm məqamı.
Sonuncu arzumdur ürəyimdəki, Özgə bir təvəqqəm yoxdu, a dostlar, Məni çiyninzə qaldırın təki, Ordan göy üzünə uçmağa nə var?!
|
