Ayaz qarı haraylayıb, Gözlətməyib qar ayazı, Belə qara gəlməyib heç Xocalının qara yazı.
İlk baharın gül nəfəsi Yamaclara dəyən vaxtı, Burda qəfil solub güllər, Ərzin çiçəkləyən vaxtı.
Göydən yerə qar üstünə Mələklərmi səpələnmiş, Bu səhnəni görən haqqın Qəlb aynası qəlpələnmiş.
Göy gölə boylanan dağlar Qan gölündə boğulubdur, Gecə insan dəstəsinə Canavarmı soxulubdur?!
Ərşə qalxır körpə səsi, Kirimir, Allah, kirimir, Bu dağda bir haray donub, Buz əriyir, o ərimir. |
