Adlıqdaydım, çıxışlığa çatmışam, Tanrı salır haldan-hala, gedirəm, Torpaq üstə əriyirəm qar kimi, Varaq üstə qala-qala gedirəm.
Yalvarıram, fələk baxmır üzümə, Rəssam ömrüm qırış çəkir üzümə, Taleyimin İsrafili özüməm, Sur düdüyü çala-çala gedirəm.
Əziz, çoxdan çağrılıbdı bayatım, Bundan belə inanmıram boy atım, Dərd dağıtmış bir kisədir həyatım, Günlərimi sala-sala gedirəm.
|
