Mən olan tərəfə boylanmadı heç, Asıldı köksündən daş sarıtelin, Könlüm həsrətindən yandı-yaxıldı, Düşmədi gözündən yaş sarıtelin.
Taleyimin üzü döndümü, nədi, Həqiqət sandığım bir əfsanədi, Gözü “hə”söylədi, dili “yox” dedi, Qaldım hüzurunda çaş sarıtelin.
Mirdamət, sıxlaşır saçımın dəni, Çökür varlığıma dağların çəni, Dünyadan köçəndə dəfn edin məni Büküb sədasına “Baş Sarıtelin”. |
