Yolun işıqsa, yolun dan, Keçər ölümdən, olumdan. Vaxtında tutsan qolundan, Sənindir Mirdamət Əziz.
Ehtiyac yaxanda səni, Ağladar soğan da səni, Göz yaşın boğanda səni, Gəmindir Mirdamət Əziz.
Çiynində daşıdı yeri, Ruhunun yaşıdı yeri, Dağların başıdı yeri, Çənindir Mirdamət Əziz.
Sehrinə qəlbin əsirsə, Öyrən, bu sevgi nə sirsə, Biçginən ağlın kəsirsə, Zəmindir Mirdamət Əziz.
Şer oxuna-oxuna, Dönər millətin ruhuna, Oxu ki, qəflət yuxuna Qənimdir Mirdamət Əziz.
Dərd yükü daşıyan elim, Yaşadan, yaşayan elim, Sünbülə oxşayan elim- Dənindir Mirdamət Əziz.
|
