Heç bilmirəm, əzizim, Bu yas kimin yasıdır, Mənim "amin" dediyim Məhəbbət duasıdır.
Bu yasa qara saçın, Qara gözün yaraşır, Sən bir kədər heykəli, Sənə hüzn yaraşır.
Başına qara yalıq Bağlayanda gözəlsən, Sevinmək sənə yaddır, Ağlayanda gözəlsən.
Artıq şeydir soruşmaq: "Sən mərhumun nəyisən?" Yeddisinin ulduzu, Qırxının çiçəyisən.
Nə yaxşı dil deyirsən, Qara günün bülbülü, Ən bəxtəvər ölüdür Ağladığın bu ölü.
Heç bilmirəm, əzizim, Bu yas kimin yasıdır, Mənim "amin" dediyim Məhəbbət duasıdır.
|
